Мазаалайчууд гэж хэн бэ?

Эрхэм зорилго

Монгол орныхоо байгаль, түүхэн дурсгалт газрыг танин мэдэх,  уул, аяллын боловсрол, спортыг олон нийтэд сурталчлан түгээн дэлгэрүүлэх

Манай клубын зорилт

Мазаалайчууд гэж хэн бэ?

Мазаалай аялагч клуб нь 2017 оны 11-р сард аялах сонирхолтой хэсэг залуучуудын нэгдлээр байгуулагдах үндэс суурь нь тавигдаж 2018 оны 02-р сарын 07-ны өдөр улсад бүртгэлтэй албан ёсны клуб /ТББ/ болсон билээ. Тус цагаас хойш өнөөг хүртэл тасралтгүй үйл ажиллагаа эрчимжүүлж өдгөө өнөр олуулаа болж өргөжин тэлсээр байна. Амралтын өдрүүдэд тогтмол алхалт, богино зайн аяллууд төдийгүй урт холын, өндөр уулын аялал /авиралт/-ыг тогтмол зохион байгуулж байна. 

Монгол Улсын тэргүүн оргил Хүйтэн болон Малчин, Найрамдал, Мөнхсарьдаг, Асралт хайрхан, Ихбогд тэргүүтэй эх орныхоо олон уулсын оргилд хүрсэн ба энэ амжилтын давалгаа үргэлжилсээр байгаа юм. Мөн морин аялал, усан аялал, явган аялал, дугуйн аялал зэрэг бусад төрлүүдээр улирал, цаг агаарын цөхцөл байдалд тохируулан аялдаг болно.

Гишүүддээ зориулж сар тутамд нэг удаа уул, аялал төдийгүй холбоо хамаарал бүхий сэдвийн хүрээнд сургалт зохион байгуулдаг. Гишүүн бүр чадварлаг байх нь багийн амжилтын үндэс гэж үздэг билээ.

Мөн манай хамт олон дан ганц уул аялал гэхээс илүү нийгмийн сайн сайхны төлөө олон сайн үйлсийн аянд нэгдэж байсан ба “Аз жаргал бүтээе” аянг клубын зүгээс санаачлан хэрэгжүүлж Сонгино хайрхан дүүрэгт орших 5 хүүтэй айлд 2018 оны 12-р сарын 29-нд шинэ жилийн бэлэг болгож олон сайхан хандивлагч, дэмжигч гишүүдийнхээ буянаар /2 сая төгрөгний үнэ бүхий/ өргөө цагаан “Гэр”-ийг бэлэглэж нэгэн айлд гэрэл асаасан байв.  

Уул, аяллын улсын чанартай томоохон тэмцээнүүдэд амжилттай оролцдог ба 2018 оны спорт аяллын “Улсын аварга” клубээр шалгарч байсан бол 2019 онд зохион байгуулагдсан “Мастер Тур” тэмцээний мөнгөн медалийн эзэд болсон эв нэгдэл, чин хүсэл нэгтэй хамт олон билээ.